Малайзын Ал Букхари их сургуулийг үндэслэн байгуулагч ноён Ян Бэрбахадиа Тан Сри Сиэд 15 монгол оюутанд өөрийн сургуульдаа суралцах тэтгэлэг олгохоор болсон билээ. Тус сургуультай хамтран ажиллах санамж бичгийг өнгөрсөн сард байгуулсан учир эхний ээлжийн оюутнууд энэ оны есдүгээр сард тус улсыг зорино. Энэ удаад бизнесийн удирдлага болон мэдээлэл технологийн чиглэлээр бакалаврын зэрэг олгох хөтөлбөрт манай оюутнууд суралцах юм байна. Бүрэн тэтгэлэгт хамрагдах оюутнууд маань 4-5 жилийн хугацаанд сурах аж. Сонгон шалгаруулалтыг саяхан “Монгол” телевиз дээр зохион байгуулж, 15 оюутныг шалгаруулан бичиг баримтыг нь бүрдүүлсэн байна.