Олон улсын EF Education First байгууллага дэлхийн 70 орны иргэдийг англи хэлний мэдлэг, түвшингээр нь үнэлж жагсаасан байна. Тав дахь удаагаа гаргаж байгаа энэ үнэлгээгээр англи хэлний сургалт, иргэдийн англи хэлний мэдлэг, эзэмшсэн байдал, англи хэлний хэрэглээ, эдийн засгийн өрсөлдөх чадвар зэргээр  тооцож үзэхэд Монгол Улс 64 дүгээрт жагсчээ. Энэ үнэлгээг гаргахад эдгээр орны насанд хүрсэн 910 мянган хүнээс судалгаа авчээ.
“Энэ үнэлгээ нь тухайн улсын болодвсролын бодлого, хөрөнгө оруулалт, багшлах аргазүйд чухал нөлөө үзүүлж, асар их боломж  олгоно” гэж EF-ийн судалгааны хэлтсийн удирдагч Мин Тран хэлсэн байна.
EF байгууллага нэг жилийн өмнө англи хэл судалдаг орнуудын хоёр тэрбум хүнд зориулсан мэргэжэлийн стандартчилсан үнэ төлбөргүй тест (EFSET) боловсруулан гаргасан юм. Энэ https://www.efset.org/ru/ нь аль ч улсын иргэд, төрийн байгууллага, их дээд сургуулиудад нээлттэй юм.
Иргэдийнх нь англи хэлний мэдлэгийн түвшингээр Швед, Нидерланд, Дани, Горвеги, Финлянд гэсэн таван орон 70,94-65,32 оноогоор эхний таван байрыг эзэлжээ.
Манай хөрш ОХУ 39 дүгээрт жагссан бол Хятад 47-д орсон байна.