Агаарын хил зөрчсөн тохиолдолд аль ч улс ямар нэгэн арга хэмжээ авдаг юм байна. Ийм жишээ олон.

1983 оны есдүгээр сарын 1-нд Өмнөд Солонгосын иргэний агаарын тээврийн Korean Air Lines компанийн Боинг-747 онгоц Сөүлээс америкийн Нью-Йоркийг чиглэж яваад зөвлөлтийн хилд нэвтэрч, оросуудын өөрсдийн нь мэдээлснээр цэргийн хэд хэдэн объект бүхий хаалттай бүсийн дээгүүр ниссэн гэнэ.
Энэ үе бол үнэхээр ч хүйтэн дайны үе, Өмнөд Солонгос бол социалист ЗХУ-ын нүдээр бол дайсан байсан  л даа.


Ингээд Зөвлөлтийн тал цэргийн нисэх хүчний Су-15 онгоц хоёрыг агаарт хөөргөсөн байна. Цэргийн нисгэгчид Боинг-747-той холбоо барих гэж хэд хэдэн удаа оролдсон ч тэд хариу өгсөнгүй Сахалин руу чиглэн ниссэн гэнэ. Ингээд цэргийн нисгэгчид удирдлагатайгаа холбоо барихад “сөнөө” гэсэн тушаал өгчээ.

40 минутын дараа зөвлөлтийн нисгэгч Геннадий Осиповичийн жолоодсон Су-15 сөнөөгч онгоцноос хоёр пуужин харвасны нэг нь “Боинг”-ийн сүүлийг оножээ. 12 минутын дараа онгоц 9000 метрийн өндрөөс Монерон арлын орчим далайд унаж осолдсон байна.

Онгоцны ослоор 246 зорчигч, онгоцны багийн 23 гишүүн бүгд амь үрэгджээ.
Олон улсын иргэний агаарын тээврийн байгууллага /ИКАО/-ын шалгалтаар онгоцны багийнхан үл ойлгогдох шалтгаанаар нислэгийн маршрут зөрчсөн, автомат нислэг дээр чиглэлээ буруу байрлуулсан гэж л гарч.

Тэр үед Зөвлөлтийн нам, төрийн тэргүүн байсан Андроповт ердөө л “Манай агаарын хилийг тагнуулын онгоц нэвтэрснийг манай нисгэгчид сөнөөлөө.  Гэтэл энэ нь иргэний онгоц байж. Хүний амь үрэгдсэн” гэж танилцуулж. Андропов хариуд нь “Мэдээж хүний амь үрэгдсэн нь харамсалтай. Манай агаараас эсэргүүцэн хамгаалах алба зөв ажиллаж” гэсэн гэдэг.

Зөвлөлтийн талаас есдүгээр сарын 9-нд хэвлэлийн бага хурал хийлгэн маршал Николай Огарков “ЗХУ-ын агаарын хилийг зөрчсөн нь урьдчилан төлөвлөсөн тагнуулын ажиллагаа байсан. Тэд энэ бүсэд байгаа зөвлөлтийн агаараас эсэргүүцэн хамгаалах системийг тангах гэж байсан” гэж мэдэгдсэн юм.

Юутай ч агаарын хилийг нь зөрчсөн тохиолдолд улс орнууд өөрийн гэсэн арга хэмжээ авдаг, 2-3 зуун хүний амийг ч хайрладаггүй л байна.