Хөлбөмбөгийн Челси клубийн удирдах бүрэлдхүүнд  Итали мэргэжилтэн ирэх болсонтой холбоотойгоор Игуайн, Кавани, Найнголлан, Пяанич, Рудигер Бонуччи гэх мэт маш олон наймааны чимээ гарч эхлээд байгаа. Сүүлийн үед Челси клубтэй холбоотой шинэ шинэ  наймааны тухай мэдээ мэдээлэл гарах боллоо.

 Испанийн Каталоны Барселона клубийн Турк хагас хамгаалагч Спартан буюу Арда Тураныг ээн зун гэхэд Челси нэгтгэх боломжтой болж байгаа аж. Түүний хувьд өнгөрсөн улирал Мадридын клубээс 25.5 сая еврогоор Каталонд ирсэн билээ. Энэ жил 29 настай түүнийг Контегийн багт хэрэгтэй нэгэн гэж үзэж байгаа бололтой. Энэ улирлын хоёрдугаар хагасаас Барса клубийн торгуулиас болж өнгөрсөн хоёрдугаар сарын 1-ээс тоглож эхлүүлсэн түүнийг 14 тоглолтод хоёр гоол гурван оновчтой дамжуулалт өгсөн гэсэн үзүүлттэй. Мөн Данийн шигшээ болон Фенербахче клубийн 27 настай төвийн хамгаалагч Симон Кяаерын төлөө 15 сая еврогийн саналыг Туркийн баг руу явуулсан гэв. Дани эрийг Челсигээс гадна Арсенал, Манчестер гэх мэт Премьер лигийн томчууд сонирхож байгаа юм.

Италийн Интер Милан клубийн Хорват жигүүр Иван Перишичийг Антонио Конте анхааралдаа авсан бөгөөд Лондон газардах магадлал өндөртэй талаар түүний агент Тончи Мартеч мэдэгдсэн. Ингээд 27 настай хорват залуу өнгөрөгч зун Италийн клубт Волфсбург клубээс 12 сая еврогоор ирж байсан юм. Түүний хувьд энэ улиралд нийт тэмцээнд 36 тоглолтод 10 гоол дөрвөн оновчтой дамжуулалт гэсэн амжилттай тоглоод байна. Ирэх зун багийн дэд ахлагчийг орлуулахаар Реал Мадрид клубийн багийн ахлагчийг авчрах нь бололтой.

Челси Ивановичтой ганцхан жилийн гэрээ байгуулсан бөгөөд Рома клуб рүү шилжиж магадгүй түүнийг орыг Испани залуугаар орлуулах төлөвлөгөөтэй байгааг Корриере делло Спортод мэдээлсэн удаатай. Антонио Конте ирэх болсонтой холбоотойгоор Италийн клубүүдтэй Челси холбогдох болсон. Эдгээрээс хамгийн их холбогдож байгаа нь Италийн Рома клуб юм. Ингээд хоёр багтай холбоотой наймааны мэдээллүүдэд Челси Миралем Пяаничын төлөө 38 сая евро төлөхөд бэлэн. Рома Доминик Соланке болон Андреас Кристенсен нарыг эгнээндээ нэгтгэх хүсэлтэй. Рома Радяа Найнголланы төлөө 45 саяыг нэхэж байгаа бөгөөд Рубен Лофтус-Чикээр солих санал тавьсан юм. Контегийн наймаанууд нүдээ олсон наймаа байгаасай гэж багийн удирдлага хүсч байгаа юм.