УИХ-ын сонгуулийн 14 дүгээр тойрог буюу Төв аймагт Ардчилсан нам 1996 онд л хоёр суудал авч байснаас биш УИХ-д ч орон нутгийн сонгуульд ч тэр олонхи болж байсан удаагүй. Ардын нам /хуучнаар МАХН/ олон жил тус аймагт засгийн эрх барьсан ч өдийг хүртэл ард иргэдийнхээ амьдрал ахуйд нөлөөлөхүйц ажил хийгээгүйгээс  хөгжлөөс хоц­рогдож эхэлсэн тул Төв айм­гийнхан энэ удаагийн сон­гуулиар цус сэлбэхээр шийдсэн гэнэ. Малаар бол олон жил ганц хуц ухна тавихаар үйлд­вэр угсаа, бие хаанаас эх­лээд чанар мууддагтай адил ганц нам эрх барьсан Төв айм­гийнхан өөрчлөлт хийх цаг нь болсон гэж үзэж байна. Тэгээд ч өнгөрсөн сонгуулиар Ардын намын М.Энхболд тэргүүтэй гишүүд айл болгонд комикс ном тарааж, Хөшигийн хөндийд онгоцны буудал барина, Зуун модод их дээд сургуулийн цогцолбор барина, цалин тэтгэврийг гурав дахин нэмж өрхийн орлогыг саяас доошгүй хэмжээнд хүргэнэ зэрэг маш олон амлалт өгч үлгэрийн ном тараасан ч харамсалтай нь өнөөдөр ажил хэрэг болсон нь тун ховор. Тиймээс ч энэ удаад Төв айм­гийнхан хөгжлийн төлөө хамт­даа, олуулаа нэгдэж өөрч­­лөлт хийхийг хүссэн нь судалгаагаар ч харагдах болжээ. Урьдчилсан санал асуул­гаар тус аймгаас хоёр дахь удаагаа нэр дэвшиж буй Д.Доржпүрэв өндөр са­налтай яваад өрсөлдөгчид нь ч сандарч эхэлсэн сурагтай. Тэрээр 2008 онд тус аймгаас Их хуралд нэр дэвшиж цөө­хөн саналаар ялагдсан ч аймаг орон нутгаа орхилгүй айм­гийн­хаа Ардчилсан намын дар­гаар ажиллахдаа багагүй ажил хийсэн, 2006 онд Угтаал цай­дам сумыг төвлөрсөн ха­лаалттай болгосон ажлаа өнөө­дөр үргэлжлүүлэхээр бэлт­­гэлээ хангаад байгаад  орон нутгийн иргэд итгэлээ өгч олонхиороо дэмжих үн­дэс­лэл болж буй. Улс төрд зүтгэж буй ардчиллын шилдэг залуучуудын нэг гэгддэг тэрээр өнөөг хүртэл ямар нэгэн муу зүйлд нэр хутгалдаагүй, хөдөлмөрч төдийгүй олонтой нэгэн гэдгээрээ өндөр оноо авч буй Д.Доржпүрэв  энэ удаад Төв аймгаас нэг суудал намдаа авчрах нь гарцаагүй гэнэ.