Билгийн

Доллар (USD)

Улаанбаатар

Тамхинаас болж дэлхий даяар 6 сая хүн нас барж байна


Дэлхийн эрүүл мэндийн байгууллага 1988 онд тавдугаар сарын 31-ний өдрийг  Дэлхий дахины тамхигүй өдөр болгон анх зарласан юм.
ДЭМБ, түнш байгууллагууд энэ өдрийг жил бүр тэмдэглэж хүн амын эрүүл мэндийг хамгаалах, тамхи татах нь эрүүл мэндэд ямар хор хөнөөлтэйг сурталчлах, тамхи татахыг улс орнуудад багасгах, төр улсын бодлогод  тусгах талаар анхаарал тавьж ажилладаг болжээ.

Дэлхий дахин 21 дүгээр зуун гэхэд тамхи татахтай холбоотой бүхий л бэрхшээл, асуудлыг үгүй болгоно гэсэн зорилт тавьсан ч гэсэн харамсалтай нь энэ хорт зуршлаас болдог өвчлөл, үхэл буурахгүй байгаа юм. Дэлхийн эрүүл мэндийн байгууллагын судалгаагаар дэлхий даяар жил бүр зургаан сая хүн тамхины хор хөнөөлөөс болж нас барж байгаагийн 600 мянга орчим нь өөрөө тамхи татдаггүй дам хордсон хүмүүс байдаг байна.

Тамхины хор хөнөөлийг сурталчилж, тамхи татах явдлыг бууруулахгүй бол тамхины хор хөнөөлөөс болж нас барагсдын тоо 2030 он гэхэд найман саяд хүрнэ гэсэн аймшигтай судалгаа байна.

0 Сэтгэгдэл
Хамгийн их уншсан