Дэлхийн хийн хэрэглээний дийлэнх хувийг байгалийн хий эзэлж байна. Сүүлийн үед олборлох зардал бага тул нүүрсний давхаргûн метан хий олборлох сонирхол давамгайлж хайгуулын ажилд хөрөнгө оруулалт хийх болжээ. Метан хийг эрчим хүчний салбарт түлхүү хэрэглэх болсон аж. Монголын нүүрсний ордуудад нийт 70 орчим тэрбум шоо метр гэсэн тойм судалгаа бий. Иймд уг хийгээр ажиллах бага оворын 5-10 Мвт хүчин чадалтай цахилгаан станц хэд хэдийг барих боломжтой гэдэг. Эдүгээ нүүрсний 200 гаруй ордод 170 тэрбум тонн нүүрсний нөөц байгаа. Иймд метан хийн нөөц нэмэгдэх боломжтой аж. Жишээлбэл Таван толгойн ордод 12 тэрбум шоо метр метан хийн тойм нөөцтэй. Эрдэмтэд нүүрсний давхарга нь 200-ээс доош байдаг 5500-9000 ккал илчлэгтэй ордын нэг тонн нүүрсэнд 5-30 шоо метр метан хий агуулагддаг хэмээн үздэг байна.
