УИХ-ын Төв аймаг дахь 29 дугаар тойрогт МАХН-аас нэр дэвшигч Оюунсайхан сурталчилгааны үйл ажиллагаандаа шашны зан үйл ашигласан нь илэрснийг шүүх тогтоосон тул Сонгуулийн ерөнхий хороо авч хэлэлцээд нэрсийн жагсаалтаас хасахаар шийдвэрлэсэн байна. Нэр дэвшигч өөрөө торгуулиа төлөөд, давж заалдахгүй гэж хүлээн зөвшөөрчээ.

Мөн нийслэлийн 49 дүгээр тойрогт МАН-аас нэр дэвшигч Д.Оюунхоролын шадар туслах Энхзаяа гэгч  сонгогчдод мөнгө тараасан нь илэрснийг шүүх тогтоосон ч тэд хуулийн хугацаанд давж заалдана гэсэн тул Сонгуулийн ерөнхий хороо авч хэлэлцээд нэр дэвшигчээс хасахааргүй шийдвэрлэсэн байна.


УИХ-ын сонгуулийн 14 дүгээр тойрог буюу Дорнод аймагт МАН-аас нэр дэвшин өрсөлдөж байгаа УИХ-ын гишүүн Х.Болорчулуунтай холбоотой гомдол ирж, аймгийн Эрүүгийн хэргийн анхан шатны хуралдаанаар орж, шийдвэрлэсэн.
Гэхдээ нэр дэвшигчийн зүгээс Давж заалдах хугацаа дуусаагүй байна гэдэг тайлбар ирүүлсэн тул энэ асуудлыг хойшлуулсан.