2012 оны нэгдүгээр сарын 23-ны өдөр
Мөн тэрээр “Ардчилал” сонинд өгсөн ярилцлагадаа хэлсэн үгээ ийнхүү баталж байлаа.
-“Сонгуульд МАН ялагдвал би хар толгойгоороо хариуцлага хүлээнэ” гэж хэлсэн амлалтдаа хүрэх хэвээрээ юу. Ард түмэн яаж ч эргэж мэднэ. Магадгүй МАН сонгуульд ялагдвал яах вэ?
-Би хариуцлагыг нь хүлээнэ гэж хэлж, чаддаг албан тушаалтнууд байгаасай гэж хүсдэг. МАН сонгуульд ялагдвал хариуцлага хүлээх ёстой хүн нь би мөнөөс мөн. Хэн нэгэн хүн байгууллагынхаа, хамт олныхоо, улсынхаа өмнө хариуцлага үүрдэг байх ёстой. Албан тушаалтан хариуцлагаас зугтаж, эсвэл хэн нэгэнд нялзааж болохгүй. Ам гарч чаддаг, ажиллаж чаддаг л байх ёстой. Энэ бол Монголд байгаа бүх шатны дарга нарт дутагддаг нэг зүйл. Хариуцлагаас яаж ийгээд мултардаг, хэн нэгэн рүү нялзаах нь хамгийн арчаагүй зан. Би бүх улс төрийн хүчинд, эрх мэдэлтэнд хариуцлага хүлээж чадна гэж хэлж чаддаг хүмүүсийг дарга болгож томилдог байгаасай гэж уриалмаар байгаа юм.
-МАН сонгуульд ялах болов уу?
-Сонгуульд амжилттай оролцож, олонхи болох боломж бүрэн байна. 200 мянган гишүүний минь итгэл зүтгэл, дээрээс нь боловсон хүчний нөөц, үнэт зүйл гэж байна. Хүнд хэцүү цаг үед МАН улс орныг удирдаж, чиглүүлж ирсэн. Тийм ч болохоор ард түмэн МАН-д итгэдэг. МАН бол туршлагатай, алдаж онож үзсэн нам. МАН-ыг би 100 хувь төгс төгөлдөр гэж хэлэхгүй. Бидэнд засч залруулах зүйл бий. Гэхдээ ирэх сонгуульд ялах бүрэн боломж бидэнд бий.
2012 оны хоёрдугаар сарын 29