Билгийн

Доллар (USD)

Улаанбаатар

Орос банк, үйлдвэрүүдийнхээ дайны үед ажиллах чадварыг шалгана


Ерөнхийлөгч Путины тушаалаар Оросын зэвсэгт хүчний байлдааны бэлэн байдлын гэнэтийн шалгалт явж байна. 9дүгээр сарын 1-н хүртэл үргэлжлэх энэхүү гэнэтийн шалгалтад явган цэрэг, танк, их буу, нисэх хүчин, усан онгоц гээд зэвсэгт хүчний бүх бүрэлдэхүүн нэгжүүд оролцож байгаа  юм.

Энэхүү гэнэтийн шалгалтад Зэвсэгт хүчнээс гадна Батлан хамгаалах салбахын үйлдвэрүүд, Харилцаа холбооны яам, Сангийн яам, Худалдааны яам, Төрийн банкны нэгжүүд ба орон нутгийн засаг захиргаа, иргэний хамаалтын нэгжүүд хамрагдан оролцож байгаа аж. Орон нутгийн засаг захиргааныхан гэнэтийн хээрийн сургуульд оролцож байгаа яамдуудын нэгж хоорондын үйл ажиллагааг уялдуулах ажил хийх бол Төв банкны хээрийн нэгжүүд нь өөрийн байнгын баазаа орхин гарсан анги, нэгтгэлүүдийн санхүүгийн хангалтыг хариуцан ажиллах аж.

Батлан хамгаалах салбарын үйлдвэрүүд нь дайны нөхцөлд ажиллах чадвараа шалган сайжруулна. Өөрөөр хэлбэл дайны үеэр шинэ техник нийлүүлэх, эвдэрч гэмтсэнд засвар үйлчилгээ хийх боломж чадварыг шалгана. Мөн энэхүү гэнэтийн шалгалтын үеэр бэлтгэл цэргийн албан хаагчдыг дайчлах, тэднээс шинэ анги нэгтгэл бүрдүүлэх ажлыг шалгана.

Оросын зэвсэгт хүчний гэнэтийн шалгалтыг өрнө дахин ихэд түгшүүртэй хүлээн авчээ. Украйн, Гүрж зэрэг улсууд  Оросыг гэнэтийн шалгалт нэрээр халхавч хийж тус улсуудад цохилт өгөх хүчээ төвлөрүүлж байж болзошгүй гэсэн хардаж. Польшийн тал энэхүү гэнэтийн шалгалтыг Хятадад болох гэж байгаа “Их 20”-н уулзалтын өмнө өрнөдийн удирдагчдад дарамт үзүүлэх гэсэн оролдлого гэж мэдэгдсэн байна. Америкчууд энэхүү гэнэтийн шалгалт цар хүрээ, хамрагдсан албан хаагчид ба техникийн тоотой холбоотойгоор ихэд сэтгэл зовниж байгаагаа мэдэгджээ. Гэхдээ үүнээс өмнө америкчууд оросуудын өөрийн нутаг дээрээ хийсэн хээрийн сургууль, гэнэтийн шалгалт болгоныг бүс нутгийн аюулгүй байдалд аюул учруулсан үйлдэл гэж хүлээж авна гэсэн утгатай мэдэгдэл хийж байсан юм.

0 Сэтгэгдэл
Хамгийн их уншсан