Австрийн Вольфанг Амадей Моцартын сүүлчийн бүтээл “Шидэт лимбэ” дуурийн анхны тоглолт 1791 оны энэ өдөр Вена хотноо болжээ. К.Виландын “Лулу” гэх үлгэрийн сэдвээр дуурийн либреттог хөгжмийн зохиолчийн эртний анд Эммануэль Шиканедер бичсэн байж. Хамгийн сүүлчийн дуурь нь хамгийн бага хүүхэд шиг хөгжмийн зохиолчийн дуртай бүтээл нь байсан гэдэг. Амьсгаа хураахын өмнө тэрээр уг дууриа сонсохыг хүсэн Папагеногийн дууг аялж байсан гэх домог байдаг аж.