Женевээс нисэх гэж байсан оросын агаарын тээврийн “Аэрофлот” компанийн онгоцонд бөмбөг байрлуулсан гэж нэгэн эрэгтэй цагдаагийнханд утсаар мэдээлэл өгчээ. Энэ сарын 13-нд хөөрөх байсан 2381 дүгээр рейсийн онгоцноос бүх зорчигчийг нь буулган шалгаж үзэхэд бөмбөг байсангүй. Нисэх буудлын терминалыг  ч бас нарийвчлан шалгажээ.

Утсаар мэдээлсэн эрийг саатуулан байцаахад “Зүгээр л тоглосон юм” гэсэн байна. Женевийн прокурорын газар худал мэдээлэл өгсөн эрд эрүүгийн хэрэг үүсгэн шалгаж эхэлсэн байна. “Сэжигтэн мэдээллээ худал гэдгийг нотлоод зүгээр л тоглоом байсан гэсэн. Иймд түүнд эрүүгийн хэрэг үүсгээд байна” гэж прокурорын мэдээлэлд дурджээ. Худал мэдээлэл өгсөн эрийн нэрийг зарлаагүй ч оросын иргэн байсан гэсэн байна.