Билгийн

Доллар (USD)

Улаанбаатар

Спортын хоёр холбоо хамтарч ажиллахаар болов

Монголын хөлбөмбөгийн холбоо, Монголын туялзуур сэлэмний холбоо хамтарч ажиллахаар болж, өчигдөр санамж бичигт гарын үсэг зурлаа. Энэ үеэр Монголын хөлбөмбөгийн холбооны ерөнхий нарийн бичгийн дарга Ө.Шижир “Спортын салбарт анх удаа спортын холбоод хамтын ажиллагааны санамж бичигт гарын үсэг зурсан нь энэ.
Монголын туялзуур сэлэмний холбоо менежмент их сайтай. Харин манай холбоо удирдлага, хууль эрхзүй, тэмцээн уралдаан гээд олон зүйлд шинэчлэл хийж, олон улсын холбооны дүрмийн дагуу ажиллаад жил гаруйн хугацаа өнгөрчээ. Цаашид хоёр холбоо маркетинг, менежмент гээд олон зүйлд хамтарч ажиллах боломжтой болж байна” гэсэн юм. Харин энэхүү хамтын ажиллагааныхаа талаар Монголын туялзуур сэлэмний холбооны ерөнхий нарийн бичгийн дарга Б.Хосбаяр ярихдаа “Манай хоёр холбоо улсын төсвөөс ямар нэгэн санхүүжилт авдаггүй. Тиймээс холбооны маркетинг, хөрөнгө босгох чиглэлээр санал солилцож хамтарч ажиллана” гэлээ.

0 Сэтгэгдэл
Хамгийн их уншсан