Билгийн

Доллар (USD)

Улаанбаатар

Рок попын эрчүүд Монголын “Примадонна”-д хүндэтгэл үзүүлэх нь!


Монголын рок попын “Примадонна”, поп хатагтай Б.Сарантуяагийн 30-н жил тайз эзэгнэсэн ойн баяр хэдхэн хоногийн дараа тохиож, бөөн бөөн сюрпризээр үнэнч фэнүүддээ бэлэг барих нь. Нүсэр тоглолтын эргэн тойрон, нүд хужирлах сонин хачнаас нь задлахад рок попын бүх эрчүүд поп хатагтайд хүндэтгэл үзүүлнэ гэнэ шүү. Анд найз “Харанга”-ын Х.Лхагваа нь л гэхэд хамгийн анх хамтарч дуулаад хит болгосон “Анхны хайр” дуугаа тэр л үдэш дахин эгшиглүүлэх аж. Мөн “Хурд”-ын Д.Цогоо алдарт “Чи миний” дуугаа хамт дуулах бол “Тэнэг ялааны дууль”-ийг поп хатагтайд бэлэглэсэн “Нисванис”-ын Л.Амгаа гэнэтийн бэлэг барихаар зэхэж буй.

Түүгээр ч барахгүй “Камертон”, “Номин талст”-аар ахлуулсан рок попын эрчүүд Б.Сараатай хамтарч дуулсан хит дуунуудаа өргөн барих гээд бараг л оочер дараалал үүсгээд, тоглолтын цагт багтаах гэж багагүй асуудал үүсч байгаа гэнэ дээ. Нэг ёсондоо ханагар эрчүүд хайртай Б.Сараагаа “хайрын бурхан”-аа олоход туслах нь. Нээрэн ч нэгэн үеийг эзэгнэж, арав давсан босоо аварга шиг тайзнаа ихэмсэг бардам оршсоор буй поп хатагтайд урлагийн эрчүүд нь мэхийхээс яахав. 30-н жилийн дурсамж, дуу алдуулан шуугиулж явсан цаг мөчүүдийг нэгэн үдэш мэдэрнэ гээд бод доо. Бөөн эрч хүч, энергид автсан гайхалтай оройг фэнүүд нь ч тэсэн ядан хүлээж, тоглолтын билет нь тоотойхон үлдсэн гэнэ, та яараарай.

0 Сэтгэгдэл
Хамгийн их уншсан