Гуйлгачинд 12 мянган долларын үнэтэй зоос хаяж өгчээ
2017 оны 1 сарын 6
Британийн Эксетер хотын үл мэдэгдэх нэгэн эр гудамжны гуйлгачинд цуглуулгын 50 пенсийн задгай мөнгө хаяж өгсөн нь 10 мянган фунт буюу 12 мянга орчим доллараар үнэлэгдэх ховор зоос байжээ хэмээн Metro хэвлэл мэдээлжээ.

Молтогчин туулай дүрсэлсэн ер бусын хэлбэртэй энэ зоосыг гуйлгачин үзэж гайхахдаа ямар үнэд хүрэхийг нь цагдаагаас асуусан байна. Хууль сахиулагчид гар утасаараа мэргэжлийн хүнээс асуутал орон гэргүй хөөрхий эр 2016 оны дөрөвдүгээр сард данийн алдарт зохиолч Беатрис Поттерийн мэндэлсний 150 жилийн ойд зориулан цуглуулгын зориулалтаар гаргасан асар ховор зоосны эзэн болсныг дуулгажээ.

Зохиолч Поттерийн үлгэрийн баатар Питер туулай, Ухти-Тухти болон Жонни хэмэр зэргийг дүрсэлсэн долоон өнцөгтэй энэ зоос анх гарахдаа 55 фунт стерлингийн үнэтэй байсан ч наймхан хоногийн дотор борлогдоод одоо интернетээр хэдэн мянган доллараар л зардаг болсон юм байна.
Эх сурвалж: www.assa.mn
LIKE бэлэглээрэй. Танд баярлалаа.