Харааны болон сонсголын бэрхшээлтэй хүүхэд сурдаг, нийслэлийн 29 дүгээр дунд сургуулийн сонсголгүй сурагчид сургуулийн захиргаа, багш нартаа шаардлага тавин эсэргүүцэл илэрхийлэн хичээлээ хаяж байна. Тэд өөрсдийгөө бусдын адил суралцаж, хангалттай боловсрол эзэмшиж чадахгүй байна гэж үзэж байгаа юм байна.

Сонсголгүй сурагчид бусдын адил чанартай боловсрол эзэмших, эх хэл дохионы хэлийг нь чадварлаг эзэмшсэн багш нараар заалгах хүсэлтээ сургуулийнхаа захиргаандаа удаа дараа тавьж байжээ. Тэдний хүсэлтийг хүлээж авахгүй олонтаа дарагдуулсан тул энэ удаа өөрсдөө  хичээлээ хаяхаар шийдсэн юм байна.