УИХ-ын гишүүн О.Баасанхүүг өөрийн сууж байгаа өрөөгөө суллаж өг гэсэн бичигУИХ-ын Тамгын газраас өнөөдөр иржээ. Үүнтэй холбогдуулан сэтгүүлчдэд мэдээлэл хийсэн О.Баасанхүү гишүүн “Энэ бол УИХ-аар хэлэлцэж байгаа асуудлуудыг сүүлийн үед эсэргүүцэж байгаатай холбоотой алхам” гэлээ.

Түүнийг  хамгийн сүүлд Хөрөнгө оруулалтын банкны тухай хуулийг хүчтэй эсэргүүцсэнийхээ төлөө УИХ-ын дэд дарга Ц.Нямдорж, гишүүн Б.Хүрэлбаатар нар элдвээр гүтгэж, дайрч давшилсан гэнэ.

Ийн шударга үйлийн тухай ярьж, эрх баригчдыг эсэргүүцсэний минь  төлөө намайг элдвээр хэлж худал цуу үг хүртэл тарааж байна. Намайг МАН-д орох гэж байгаа гэсэн яриа хүртэл гаргаж байгаа. Харин би бол “Битгий горьд” гэж хэлнэ.
Намайг өрөөнөөс минь гаргаж байгаа бол  би коридорт сууна, гэхдээ Монголыг өрөнд оруулж байгаа хүмүүстэй тэмцэх л болно гэлээ.