Билгийн

Доллар (USD)

Улаанбаатар

Эверестэд авирч байсан гурван уулчин амь алдлаа


Дэлхийн дээвэр Эверестэд авирч байсан гурван уулчин ням гарагт  амь алдаж энэтхэгийн нэг уулчин сураггүй алга болоод байна гэж Washington Post сонин мэдээлжээ. 2015 онд Эверестэд авирахаар төлөвлөж байсан ч газар хөдлөлөөс болоод чадаагүй америкийн эмч, 50 настай Роланд Иервуд 8500 метрийн өндөр амь алдсаныг өндрийн өвчнөөс болсон гэж үзэж байна.

Үүнтэй яг зэрэгцээд ням гарагт словакийн Владимир Штрба, австралийн Энрико Марчетти нар Төвдийн талаас авирч байгаад амь алджээ.
Харин энэтхэгийн уулчин бол бямба гарагт нөхдөөсөө тасраад сураггүй алга болсныг одоо хайж байгаа юм байна.

Энэ тавдугаар сард дэлхийн дээвэрт гарахаар явж байсан балбын 86 настай уулчин Мин Бахадур Шерхан амь алдсан юм. Тэрээр энэ оргилд гарсан хамгийн өндөр настай уулчин болж дээд амжилт тогтоохоор зорьсон ч зүрхний шигдээс болж амь алджээ. Үүнээс үүдээд Балбын Уулчдын холбоо дэлхийн дээвэр лүү авирах насны хязгаар тогтоохоор болж байгаа гэнэ.

0 Сэтгэгдэл
Хамгийн их уншсан