Эдийн засгийн өрсөлдөх чадвараараа Гонконг хоёр дахь жилдээ тэргүүлсэн бол Монгол Улс 63 орноос хамгийн сүүлийн байранд орлоо гэж Швейцарьт төвтэй Олон улсын менежментийн хөгжлийн хүрээлэнгийн (IMD) илтгэлд дурдсан байна.

Эхний гурван байранд Швейцарь, Сингапур хоёр орсон бол АНУ дөрөвт оржээ. Цааш нь Нидерланд, Ирланд, Дани, Люксембург, Швед Арабын нэгдсэн  Эмират улсууд орж байна.

Манай өмнөд хөрш БНХАУ өнгөрсөн онд 25 дугаарт байсан бол энэ жил 18 дугаар байр луу шилжиж урагшилжээ.
Хамгийн сүүлийн 63 дугаар байрыг  Монгол, Бразил, Венесуэль гурав хувааж эзэлсэн байна. Манай Улс 2015 оны ийм судалгаагаар 57,  2016 онд 60 дугаар байрт орж байсан юм байна.

Улс орнуудын өрсөлдөх чадварыг дөрвөн бүлэгт хуваасан 340 шалгуураар, эдийн засгийн үзүүлэлт, Засгийн газрын үр ашигтай байдал, бизнесийн үр ашиг, дэд бүтцийн байдал зэргийг харгалзан дүгнэсэн байна. Энэ илтгэлийг бэлтгэхэд статистик үзүүлэлт, дэлхийн томоохон компаниудын удирдлагуудаас авсан санал зэргийг харгалзсан гэдгээ тэмдэглэжээ.