Билгийн

Доллар (USD)

Улаанбаатар

Путин: АНУ, Орос хоёр байлдвал.....

АНУ, Оросын хооронд томоохон хэмжээний зэвсэгт мөргөлдөөн гарвал “хэн нь ч тэсч үлдэхгүй” гэж ОХУ-ын ерөнхийлөгч Владимир Путин үзэж байна. Тэгэхээр Москва, Вашингтон хоёр харилцаатай байх ёстой гэдэгт найдаж байгаагаа илэрхийлжээ.
Владимир Путин  америкийн кино найруулагч Оливер Стоунд ярилцлага өгөхдөө ингэж мэдэгдсэн байна.

Стоун ОХУ-ын тэргүүнээс “Хоёр орны хооронд зэвсэгт мөргөлдөөн гарвал таныхаар бол АНУ ялах уу” гэж асуухад Путин “Хэн нь ч амьд үлдэхгүй гэж би бодож байна” гэж хариулжээ.

Владимир Путин бас Стоуны АНУ-ын ерөнхийлөгчөөр Дональд Трамп сонгогдсон нь хоёр орны харилцааг сайжруулна гэж та найдаж байна уу гэсэн асуултад “Итгэл найдвар ямагт байдаг. Одоохондоо бүх зүйл төгсгөлдөө бүр хүрчихээгүй байна” гэж хариулсан байна.

Америкийн найруулагч Оливер Стоун, ОХУ-ын ерөнхийлөгч Владимир Путины тухай олон ангит кино хийх хүсэлтээ бүр 2014 оны арваннэгдүгээр сард тавьж байсан юм. Тэрээр ОХУ-ын төрийн тэргүүнээс “америкчуудын сонсохыг хүсдэггүй” тийм яриаг нь авахыг хүсч байна гэсэн юм.

0 Сэтгэгдэл
Хамгийн их уншсан