Билгийн

Доллар (USD)

Улаанбаатар

Баяр ёслолын мэндчилгээгээр Сангийн яамны Онцлох мэдээ дүүрэх бололтой


Монголчууд төдийгүй гадаадын хөрөнгө оруулагчид, бизнес ажил хөдөлмөр эрхлэгч, орлого ологч бүрийн халаасыг  хэмжиж татварын хувь хэмжээг тогтоож жилд хэдэн төгрөг цуглуулж, улсын төсөв гээчийг бүрдүүлж  хэрхэн зарцуулах асуудлыг зохицуулагч нь Сангийн яам. Ирэх сарын 01-нээс авто машин, шатахууны онцгой албан татвар нэмэх хууль үйлчилж эхэлнэ. Энэ татвараар хэдэн төгрөг төсөвт оруулах, хэрхэн зарцуулах талаар тус яамны сайтад ямар ч мэдээлэл алга. Мөн Энэтхэг, Солонгос, Хятад, Японоос авах зээлийн талаар нэг ч үг, өгүүлбэр тавиагүй байна. Улсын төсөв, зээлийн хөрөнгө, татварын нэмэгдэлийн талаар УИХ-ын Эдийн засгийн байнгын хорооны хурлаар ороход сайд Б.Чойжилсүрэн нь байдаггүй. Дэд сайд Х.Булгантуяа нь хэдэн “цэрэгтэйгээ” орж ирж загнуулаад гардаг дүр зураг бий. Та бүхэн Сангийн яамны сайтад зочлоод үзээрэй. Онцлох мэдээний хэсэгт  2 сарын 24-нд тавигдсан Сайдын сар шинийн мэндчилгээ, 4 сарын 26 нд тавигдсан Худалдан авах ажиллагааны мэргэшсэн ажилтан бэлтгэх, гэрчилгээ олгох журам”-д нэмэлт өөрчлөлт оруулах мэдээллээс өөр зүйл алга. Мөн тендер, зарын чанартай л зүйл байна. Энэ янзаараа бол одоо наадамаар бас нэг мэндчилгээ л нэмэгдэх байх даа. Ингээд жилийн эцэст томоохон баяр ёслолын мэнчилгээгээр Сангийн яамны Онцлох мэдээ дүүрэх бололттой. Уг нь татварын мөнгийг багцалж улс орон даяар түгээн зарцуулдаг Засгийн газрын хэтэвч болох Сангийн яам төсвийн  сар бүрийн зарцуулалт, бүрдэлт гээд бүхий мэдээллээ олон нийтэд ил тод шилэн байх учиртай биз дээ.  


0 Сэтгэгдэл
Хамгийн их уншсан