Билгийн

Доллар (USD)

Улаанбаатар

“Монгол Улсын Эрдэнэсийн сан” ном хэвлэгдэв

Монголбанк “Эрдэнэсийн сан” дахь шилмэл үзмэрүүдээсээ дээжлэн “Монгол Улсын Эрдэнэсийн сан” ном бүтээн уншигч, сонирхогчдын гарт өргөн барилаа.


Энэхүү номонд үндэсний соёл, зан заншил, ертөнцийг үзэх үзлийг шингээсэн эд өлгийн  дурсгалуудыг гэрэл, зураг болон Монгол, англи тайлбартайгаар оруулсан байна. Мөн хүрэл зэвсгийн үеэс  дундад зуун болон орчин цагийн үе, үндэсний мөнгөн тэмдэгт болох цаасан болон зоосон мөнгө, дурсгалын зоос, алтан маркнуудыг ч сонирхуулжээ.

1924 онд Монголын Худалдаа ба аж үйлдвэрийн банк байгуулагдаж, үйл ажиллагаагаа эхэлсэн анхны өдрөөс улсын эрдэнэсийн нөөцийг бүрдүүлж эхэлжээ. Тэр цагаас хойш  улсын түүх, соёлын ховор нандин үнэт зүйлсийн баялаг цуглуулгатай болж, БНМАУ-ын Сайд нарын зөвлөлийн 1983 оны 101 дүгээр тогтоолоор Улсын банкинд (хуучин нэрээр) “Үнэт зүйлс, эрдэнэсийн улсын фонд”-ыг тусгаарлан байгуулсан түүхтэй. Улмаар 1994 онд Эрдэнэсийн сангийн тухай хууль батлагдаж Улсын Эрдэнэсийн сангийн үйл ажиллагааг хуульчилж, халдашгүй байдлыг баталгаажуулжээ.

Тэр цагаас хойш Монгол Улсад банкны тогтолцоо үүсч бэхэжсэний 80 жилийн тэмдэглэлт ойг тохиолдуулан “Эрдэнэсийн сан”-гийн үзмэрийн танхимыг зохион байгуулж, Эрдэнэсийн санд хадгалагдаж буй үнэт зүйлийн дээжээс олон нийтэд дэлгэн үзүүлдэг болсон юм.

0 Сэтгэгдэл
Хамгийн их уншсан