МАН-ын Удирдах зөвлөлийн хурал үргэлжилж байна. Хурал маш нууц
түвшинд болж байгаа юм. Харин зарим хэвлэл мэдээллийн хэрэгслээр янз
бүрийн мэдээлэл гарч эхэлжээ. Гэхдээ хэвлэлээр гарч байгаа мэдээлэл
болгон баттай биш гэж дотоод эх сурвалж мэдээллээ.
Шадар сайд У.Хүрэлсүхийг ажлаа өгнө, намаа шинэчлэнэ гэж хэлээд хурлаа орхин гарсан хэмээн мэдээлж эхлээд байна.
Харин үнэн хэрэгтээ Шадар сайд У.Хүрэлсүх Херогийн Баатартай ярьсан бичлэгээ хүлээн зөвшөөрчээ. Ингэхдээ тэрбээр "Ерөнхийлөгчтэй холбогдсон гэх утасны яриаг үнэнээр нь хэлье. Би тэгж ярьсан нь үнэн. Энэ яриа Ерөнхийлөгчийн сонгуулийн дараа болсон. Дараа нь би Ерөнхийлөгчтэй уулзсан. Үнэн. Монгол Улсын ерөнхийлөгч дуудаж байхад "Үгүй" гээд байх уу. Би Ерөнхийлөгчтэй хамт түймэр унтраалцсан. Сонгуулиас өмнө би Х.Баттулгатай уулзаж байгаа ч үгүй" гэжээ.
Нэгэнт бичлэгээ хүлээн зөвшөөрсөн намын нөхөдтэйгээ зэрэгцэн хуралд оролцохдоо ичиж байсан тухай дотор нь байсан эх сурвалж мэдээллээ. Тиймээс Шадар сайд У.Хүрэлсүх ийнхүү хурлаа орхин гарсан байна.
Хэвлэлээр янз бүрийн үнэн худал нь мэдэгдэхгүй мэдээлэл гарч байгаа учраас бид хурлын дараа баримттай, баттай мэдээлэл хүргэх болно.