Улсын төсөв ирэх онд 5.2 их наяд төгрөгийн орлоготой 7.7 их наяд төгрөгийн зарлагатай
2017 оны 11 сарын 14
Ирэх жилийнхээ улсын төсвийг 11-р сарын 15 гэхэд батлах хуулийн хугацаатай. Тэгвэл УИХ ирэх оны төсвийг хугацаанаас нь  нэг хоногийн өмнө гялс амжуулж баталлаа.  Үүнээс өмнө УИХ-ын төсвийн байнгын хороо өглөө 09 цаг 38 минутад, гишүүдийн 63.2 хувийн ирцтэй хуралдав. Ингээд Монгол Улсын нэгдсэн төсвийн 2018 оны төсвийн хүрээний мэдэгдэл, 2019-2020 оны төсвийн төсөөллийн тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийсэн. Уг хуралдаанаар  Монгол Улсын нэгдсэн төсвийн 2018 оны төсвийн хүрээний мэдэгдэл, 2019-2020 оны төсвийн төсөөллийн тухай хуульд өөрчлөлт оруулах тухай хуулийн төслийн эцсийн хэлэлцүүлгийг дэмжих нь зүйтэй гэсэн саналыг хуралдаанд оролцсон гишүүдийн 91.7 хувь нь дэмжсэн билээ.




Ирэх оны төсвийн жилийн тэнцвэржүүлсэн орлого  5.2 их наяд төгрөг байна.  Харин  төсвийн зарлагыг 7.7 их наяд байхаар хуульчлав.  Ингээд ирэх оны төсөв 2.5 их наяд төгрөгийн алдагдалтай байхаар батлагдлаа. Засгийн газрын гишүүдээс Сангийн  сайд хамгийн их буюу  6.5 их наяд төгрөг  захиран зарцуулах юм. Хамгийн бага төсөвтэй сайд нь  Уул уурхай, хүнд үйлдвэрийнх бөгөөд   26.3 тэрбум төгрөг  зарцуулахаар болов.  
 
Төсвийн ерөнхийлөн захирагч нар 2018 онд дараах төсвийг захиран зарцуулна.

Төсвийн ерөнхийлөн захирагч нар

төсөв/төг-өөр

1

Ерөнхийлөгчийн Тамгын газар

5.1 тэрбум

2

УИХ-ын дарга

33.3 тэрбум

3

Монгол Улсын Ерөнхий сайд

203.3 тэрбум

4

Монгол  Улсын Шадар сайд

136.3 тэрбум

5

ЗГХЭГ-ын дарга

34.5 тэрбум

6

Гадаад харилцааны сайд

71.3  тэрбум

7

Сангийн сайд

6.5 их наяд

8

Хуульзүй, дотоод хэргийн сайд

476.2 тэрбум

9

Зам тээврийн хөгжлийн сайд

384.5 тэрбум

10

Батлан хамгаалахын сайд

237.6 тэрбум

11

БШСУС-ын  сайд

1.6 их наяд

12

Уул уурхай, хүнд үйлдвэрийн сайд

26.3 тэрбум

13

ХХААХҮ-ийн сайд

266.6 тэрбум

14

Хөдөлмөр, нийгмийн хамгааллын сайд

1.2 их наяд

15

Барилга, хот  байгуулалтын сайд

137.4 тэрбум

16

Байгаль орчин, аялал жуулчлалын сайд

88.4 тэрбум

17

Эрүүл мэндийн сайд

766.3 тэрбум








Эх сурвалж: www.assa.mn
LIKE бэлэглээрэй. Танд баярлалаа.
Санал болгох
Зохиогчийн эрх хуулиар хамгаалагдсан. Мэдээлэл хуулбарлах хориотой.