Роналду “Instagram”-д хуруугаа нэг дараад л 415 мянган ам.доллар халаасалдаг
2017 оны 12 сарын 4


Алдарт тамирчин Кристиан Роналду зөвхөн хөлбөмбөгийн ногоон талбайгаас доллар халааслаад зогсохгүй, цахим ертөнцөөс олдог орлогоороо оддыг тэргүүлэх болсон байна. Түүний хувьд сурталчилгааны чанартай ганц зураг, нийтлэл “Instagram”-д шургуулаад л 308 мянган фунт буюу 415 мянган ам.доллар халаасалдаг байна. “Goal.com”-ийн мэдээлснээр Роналду одоогоор  нийгмийн сүлжээнээс олдог орлогоороо эрэгтэй оддын тэргүүнд жагсч буй гэнэ. Түүнийг олон нийтийн сүлжээнд 116 сая хүн идэвхтэй дагадаг. 

Харин түүний хамгийн том өрсөлдөгч нь одоогоор Селена Гомес, Ким Кардашьян хоёр аж. Кимын хувьд нэг удаагийн нийтлэлээ 385 мянган фунт буюу 519 мянган ам.доллараар үнэлж байна. Спортын хүрээнд америкийн сагсан бөмбөгч Леброн Жеймс өрсөлдөгч нь. Тэрээр олон нийтийн сүлжээнд сурталчилгааны чанартай нэг нийтлэл оруулахдаа 92 мянган фунт буюу 124 мянган ам.доллар халаасалдаг байна.
Эх сурвалж: www.assa.mn
LIKE бэлэглээрэй. Танд баярлалаа.
Зохиогчийн эрх хуулиар хамгаалагдсан. Мэдээлэл хуулбарлах хориотой.