МАН УИХ-д бүлэг байгуулах эрхгүй хоцорлоо. Учир нь УИХ-ын тухай хуулийн 26 дугаар зүйлийн тавд Нам, эвсэл бүлэг байгуулсан тухай шийдвэр, бүлгийн гишүүдийн нэрийн жагсаалтыг анхдугаар чуулганаар Улсын Их Хурлын даргыг сонгосноос хойш 24 цагийн дотор УИХ-ын даргад өргөн мэдүүлнэ гэсэн заалттай.
Энэ сарын 24-ний өдөр буюу уржигдар 12:00 цагт УИХ-ын даргаар З.Энхболдыг гишүүдийн олонхийн саналаар томилсон. Энэ цагаас хойш 24 цагийн дотор МАН-ынхан бүлгийн гишүүдийн нэрээ УИХ-ын дарга З.Энхболдод өгсөнгүй. Иймээс МАН-ынхан энэ удаагийн парламентад бүлэг байгуулах эрхгүй болсон гэсэн үг. Тиймээс УИХ-ын МАН-ын 26 сул гишүүнтэй болж байгаа юм. Ингэснээр МАН-ынхан УИХ-ын дэд дарга томилох эрхгүй болохоос гадна хамтын шийдвэр гаргах эрх зүйн чадамжгүй болсон гэсэн үг.