Ахмадын тэтгэврийг нэмэхээр болжээ. Өнөөдрийн Засгийн газрын хурлаар ахмадын тэтгэврийг энэ оны 2 дугаар сарын 01 өдрөөс эхлэн 27.000 төгрөгөөр нэмэх шийдвэр гаргасан байна. Нийтдээ нийгмийн даатгалын сангаас тэтгэвэр авч байгаа 392.8 мянган ахмад бүгд хамрагдах аж. Мөн халамжийн тэтгэвэр авч байгаа 61.600 орчим иргэн, асаргааны тэтгэмж авч байгаа 59.500 орчим иргэдийн тэтгэвэр, асаргааны тэтгэмжийг нэмэхээр болсон байна.