Мэргэжлийн хяналтын ерөнхий газрын даргын 2018 оны 01/09 тоот “Урьдчилан сэргийлэх хяналт шалгалтын тухай” удирдамжийн хүрээнд НМХГ-ын Улсын /ахлах/ байцаагчид БНСУ-ын иргэн Ким Ён Су, У Жин Жу нар хууль бусаар эмнэлгийн хэрэгсэл /биоутас/ хилээр нэвтрүүлж, гоо сайхны сургалт, үйлчилгээ үзүүлэхийг завдсан зөрчлийг илрүүлжээ. Зөрчил үйлдсэн БНСУ-ын 2 иргэнийг саатуулж, хууль бусаар оруулж ирсэн бүтээгдэхүүнийг хураан авч, болзошгүй эрсдэлээс сэргийлж ажилласан байна.