МАЛАЙЗЫН ЗАСГИЙН ГАЗРЫН ТЭРГҮҮН СОНГОГДЛОО
2018 оны 5 сарын 11

КУАЛА-ЛУМПУР. /Ройтерс/. Малайзын парламентын сонгуульд ялсан сөрөг хүчний удирдагч Махатхир Мохамад  тус улсын ерөнхий сайд болж, тангараг өргөсөн тухай “Ройтерс” агентлаг мэдээллээ. 

Ингэснээр өдгөө 92 настай Махатхир нь дэлхийн хамгийн өндөр настай ерөнхий сайд болж байна.

Тэрбээр өмнө нь 20 гаруй жилийн турш Малайзын ерөнхий сайдаар ажиллаж байсан юм. Саяхан болсон бүх нийтийн сонгуульд түүний тэргүүлдэг сөрөг хүчний эвсэл 222 суудлын 113-ыг нь авч чадсан билээ.

Эрх баригч эвслийн удирдагч Нажиб Разак хэвлэлийн бага хурал хийх үеэрээ ялагдлаа хүлээн зөвшөөрсөн байна. Тэрбээр хэлэхдээ “Би ард түмний шийдвэрийг хүлээн зөвшөөрч, парламентын ардчиллыг хүндэтгэж байна” гээд засгийн эрхийг тайван замаар шилжүүлэн өгөхөө илэрхийлжээ.
Эх сурвалж: www.assa.mn
LIKE бэлэглээрэй. Танд баярлалаа.
Санал болгох
Зохиогчийн эрх хуулиар хамгаалагдсан. Мэдээлэл хуулбарлах хориотой.