Умард Солонгосын төлөөлөгч Нью-Йоркт айлчлав
2018 оны 5 сарын 31

 
Умард Солонгосын Хөдөлмөрийн намын нэгдсэн фронтын хэлтсийн эрхлэгч Ким Ён Чоль Нью-Йорк хотод айлчилж, АНУ-ын Төрийн нарийн бичгийн дарга Майкл Помпеотой уулзсан тухай телевизийн “CNN” суваг мэдээлэв.
 
Тус телевизийн мэдээлснээр, талууд хоёр удаа уулзалт хийх аж. Уулзалтын үеэр АНУ-ын Ерөнхийлөгч Дональд Трамп болон Умард Солонгосын удирдагч Ким Жөн Ун нарын уулзалтыг зохион байгуулах асуудлыг хэлэлцэхийн сацуу Солонгосын хойгийг цөмийн зэвсгээс ангижруулах хэтийн төлөвийг хэлэлцэх юм.
 
АНУ Умард Солонгосыг цөмийн зэвсгээс нь баталгаатай, эргэлт буцалтгүйгээр, бүрэн ангижруулахыг оролдож байгаа бол Умард Солонгос цөмийн зэвсгээс ангижрах үйл явцыг алхам алхмаар шат дараалсан байдлаар авч хэрэгжүүлэх ёстой гэж үзэж байгаа билээ.
Эх сурвалж: www.assa.mn
LIKE бэлэглээрэй. Танд баярлалаа.
Санал болгох
Зохиогчийн эрх хуулиар хамгаалагдсан. Мэдээлэл хуулбарлах хориотой.