И.Дуке сонгогчдын 53,97 хувийн саналаар сонгогдлоо
2018 оны 6 сарын 18

Колумбийн “Ардчилсан төв” барууны үзэлт намаас нэр дэвшигч Иван Дуке ерөнхийлөгчийн хоёрдугаар шатны сонгуульд ялалт байгуулжээ.

И.Дуке сонгогчдын 53,97 хувийн санал авсан бол түүний өрсөлдөгч, Колумбийн нийслэл Богота хотын дарга асан, зүүний үзэлт эвслээс нэр дэвшигч Густаво Петро 41,81 хувийн санал авсан байна. 

Сонгуулийн ирц 53 хувьтай байжээ. И.Дукегийн ялалтыг хүлээн зөвшөөрч байгаагаа Г.Петро “Твиттер” хуудсаараа дамжуулан мэдэгджээ. “Колумбийн 8 сая оршин суугч намайг дэмжинэ гэдэг нь ялагдал биш юм” гэж тэрбээр тэмдэглэсэн байна.
Эх сурвалж: www.assa.mn
LIKE бэлэглээрэй. Танд баярлалаа.
Санал болгох
Зохиогчийн эрх хуулиар хамгаалагдсан. Мэдээлэл хуулбарлах хориотой.