Билгийн

Доллар (USD)

Улаанбаатар

Н.ЭРХЭМБАЯР ДИФИЙН ЗАЛУУЧУУДЫН ДЭЛХИЙН АВАРГА БОЛЛОО


Сонсголын бэрхшээлтэй иргэд буюу дифийн бөхийн төрлүүдийн ДАШТ зургадугаар сарын 12-18-нд ОХУ-ын Владимир хотын "Ice Palace Polaris" спортын ордонд болж өндөрлөлөө. 

Сүүлийн өдөр буюу өнөөдөр чөлөөт бөхийн залуучуудын 61 кг-ын жинд “Самсун-2017” дифлимпийн наадмын мөнгөн медальт, 2016 оны өсвөр үеийн дэлхийн аварга, Өвөрхангай аймгийн "Их Монголын хүчтэн" дэвжээний тамирчин Намдагдоржийн Эрхэмбаяр дөрвөн барилдаан хийж бүх өрсөлдөгчөө оноогоор цэвэр ялж алтан медаль хүртсэн баяртай мэдээг дуулгалаа.

Өмнөх өдөр нь насанд хүрэгчдийн ангилалд хүрэл медалийн төлөөх барилдаанд ялагдсан тэрбээр хэсгийн барилдаанд Болгарын Дилиан Димитров, Туркийн Махирсан Юурт, хагас шигшээд Казахстаны Йершат Жанабил, алтан медалийн төлөөх барилдаанд ОХУ-ын Магомед Магомедов нарыг тус бүр оноогоор цэвэр ялсан юм. 

Өдгөө 19 настай Н.Эрхэмбаяр дифийн ДАШТ-ээс ийнхүү өсвөр үе, залуучуудын ангилалд түрүүлж Монголын чөлөөт бөхийн түүхэнд нэгэн шинэ хуудсыг нээв.

0 Сэтгэгдэл
Хамгийн их уншсан