Билгийн

Доллар (USD)

Улаанбаатар

Шуурхай баг ажиллаж байна


Үер усны болзошгүй эрсдэлээс урьдчилан сэргийлэх, нөхцөл байдал үүссэн үед яаралтай арга хэмжээ авах зорилгоор МХЕГ, НМХГ-ийн холбогдох албан тушаалтнуудыг хамруулан Шуурхай багийг байгуулсан.

Шуурхай баг БЗД-ийн 26-р хороо, Үндэсний цэцэрлэгт хүрээлэнгийн ард байрлах Мандала хотхоны барилгын угсралтын ажил хийгдэх явцад хөрсний ус зайлуулах гол шугамыг тасалсан тухай дуудлагын дагуу шалгахад ажил гүйцэтгэгч компани нь барилгын суурийн газар шорооны ажил хийхдээ холбогдох байгууллагуудаас зөвшөөрөл, техникийн нөхцөл, тодруулга аваагүй байсныг тогтоожээ. Иймд зөрчил арилгах хүртэл хугацаагаар газар шорооны ажлыг зогсоож, холбогдох хуулийн дагуу торгууль ногдуулсан байна.

Мөн БЗД-ийн 16-р хороо, 22-р байранд оршин суугчаас ариун цэврийн өрөөний тааз нурсан тухай дуудлагын дагуу шалгахад тус өрөөний таазны хэсгийн модон хучилт өгөршиж муудсан, борооны ус нэвчиж хучилтын үнсэн дулаалга хүндэрснээс нуралт үүссэнийг тогтоожээ.

Тус орон сууцны барилга нь 1944 онд ашиглалтад орсон бөгөөд 2006, 2013 онд ашиглалтын шаардлага хангахгүй байгаа тухай дүгнэлт, 2014 онд ашиглахыг хориглосон улсын байцаагчийн шийдвэр гарсан байна.

0 Сэтгэгдэл
Хамгийн их уншсан