Төрийн ордны зай талбай, өрөөний багтаамж хангалтгүй. Тиймээс л засаг төр солигдох бүрт л УИХ-ын тамгын газрынхан хэдэн гишүүнээ ордондоо багтаах гэж зүдэрдэг гэнэ. Энэ жил УИХ-д гурван нам бүлэг байгуулах эрхтэй болсон. Тиймээс дээрх гурван намын бүлгийн дарга нар адил эрхтэй байх ёстой. Одоогоор АН-ын бүлгийн дарга Д.Эрдэнэбат Төрийн ордондоо томоохонд тооцогдох өрөөнд байрласан. МАН-ын албан бус бүлгийн даргаар ажиллаж байгаа Н.Энхболд мөн л том өрөөг эзэгнэсэн. Харин “Шударга ёс” эвслийн бүлгийн дарга Н.Батцэрэг л өрөөгүй хэцүүдэж байгаа аж. Уг нь Ц.Нямдорж гишүүний өрөөнд түүнийг оруулах гэсэн боловч тэрээр өрөөнөөсөө гарахгүй хэмээн зөрүүдлэж байгаа гэнэ. УИХ-ын тамгын газрынхан Ц.Нямдорж гишүүнийг өрөөгөө суллаж өгөхийг удаа дараа шаардаж байгаа ч үр дүнд хүрэхгүй байгаа гэсэн. УИХ-ын гишүүн Ц.Нямдоржийн өрөө Төрийн ордондоо л томоохонд тооцогддог аж. Тиймээс “Шударга ёс” бүлгийн даргыг өрөөг оруулахаар төлөвлөсөн Ц.Нямдорж саад болсоор өнөөг хүрч.