Билгийн

Доллар (USD)

Улаанбаатар

Н.Төгсцогт хүрэл медалийн болзол хангалаа


Лондонгийн олимпод зодоглож байгаа манай  багийн хамгийн отгон гишүүн, Монгол Улсын Гавьяат тамирчин Н.Төгсцогт  рингэнд ээлжит өрсөлдөгчөө буулган авснаар хүрэл медалийн болзол хангалаа. Медалийн төлөө Узбекийн  залуу тамирчин Ясурбек Латиповтой нударга зөрүүлсэн тэрбээр тоглолтын эхний үед нэг оноогоор ялагдсан ч  хоёр, гуравдугаар үед илүүрхэн тоглож 15:10 (4-5, 5-3, 6-2) харьцаатай ялснаар Монголын олимпийн түүхэнд 22 дахь медальтан болж байна. Одоо тэрбээр мөнгөн медалийн төлөө, цаашлаад аваргын алтан медалийн төлөө тоглох боломжтой юм. Түүний дараагийн учраа нь 2011 оны Бакугийн дэлхийн аваргын алт, 2009 оны Миланы дэлхийн аваргын хүрэл медальт, Европын аварга, ОХУ-ын боксчин Миша Алоиан юм.  Мөнгөн медалийн төлөөх тоглолт наймдугаар сарын 10-нд  орон нутгийн цагаар 20.30 цагт буюу Монголын цагаар 11-ний шөнө 03.30 цагт болно.

Лондонгийн рингэнд эх орноо төлөөлж буй Монголын ширэн бээлийтнүүдээс 64 кг-ын жинд Гавьяат тамирчин У.Мөнх-Эрдэнэ Монголын цагаар 9-ний үүрээр 05.00 цагт рингний эзэн орны тамирчин Том Стокертэй хүрэл медалийн төлөө  тоглох юм.

0 Сэтгэгдэл
Хамгийн их уншсан