Монголын хүүхдүүдэд хувцас, тоглоом хүргэхээр явсан Их британи, австралийн дөрвөн иргэн Казахстаны Костанайн мужид осолд орсон байна. Наймдугаар сарын 9-ний өглөө Алмата-Екатринбургийн авто зам дээр Зуевка тосгоны дэргэд Ихбританийн дугаартай “Пежо” маркийн жип замын урсгал сөрөн “Тоёото сюрф” маркийн машинтай мөргөлдсөн байна. “Пежо” машиныг Их британийн Брестол хотын иргэн 49 настай Якслей Чарльз Николос жолоодож явжээ. Жолооч болон зорчигчид сүйдтэй хүнд бэртэл аваагүй байна. Харин машин нь эвдэрсэн учраас тэд зама аүргэлжлүүлэх боломжгүй болжээ. Орон нутгийн цагдаагийнхан англи иргэдийг халамжилж, нутагт нь буцаахаар хөөцөлдөж байгаа гэнэ. Харин Их британийн иргэд монгол хүүхдүүдэд өгөхөөр авч явсан бэлгээ Костанайн мужийн сэтгэцийн эмгэгтэй хүүхдийн цэцэрлэгийн багачуудад тараан өгсөн байна гэж CA-news.org сайтад бичсэн байна.
Ц.ХАс
