МАН-ын экс удирдлагууд сонгуульд ялагдсныхаа хариуцлагаа хүлээж бүрэн бүрэлдэхүүнээрээ огцорч, намын  удирдлагуудаа шинэчилсэн билээ. Нийслэл, орон нутгийн хорооны тэргүүлэгч нарыг солино гэж амалсан ёсоороо ээлжит томилгоогоо эхлүүллээ. Нийслэлийн МАН-ын хорооны тэргүүлэгчид өнөөдөр хуралдаж, цаг үеийн асуудлаар ярилцаж байна. Энэ үеэр Сонгинохайрхан дүүргийн МАН-ын хорооны дарга Д.Баярсайханыг албан тушаалаас нь чөлөөлж, Д.Сумъяабазарыг томилжээ.