Сирийн харвасан пуужин Иорданы нутаг дэвсгэрт уналаа гэж тус улсын  Засгийн газар  мэдэгдэв. Пуужинд хэн нэгэн өртөөгүй, ямар нэгэн хохирол учраагүй байна. Иорданы Засгийн газрын төлөөлөгч “Энэ бол Иорданы үндэсний бүрэн эрхт байдалд халдсан хэрэг” хэмээн мэдэгдсэн байна. Сирийн тал пуужинг Иордантай хил залгаа Дераа мужаас харважээ. Энд Засгийн газрын цэргүүд босогчидтой ширүүн тулаан хийж байгаа юм.