Билгийн

Доллар (USD)

Улаанбаатар

Шүрэнгийн УЦС-д хамтарч ажиллахыг урилаа

Монголыг сонирхож ирсэн хөрөнгө оруулагчдад сүүлийн үед манайд дэд бүтцийн ямар томоохон төсөл хэрэгжиж байгааг Б.Энхбаатар  хэмээх залуу танилцууллаа. Тэрээр Уул уурхайн дэд бүтцийн хөрөнгө оруулалтыг дэмжих төслийн зохицуулагч юм. Хэдхэн сарын өмнөөс манайд Дэлхийн банкны тусламжтайгаар энэ төслийг хэрэгжүүлж эхэлсэн. Уул уурхайн дэд бүтцийн төсөл, үйл ажиллагааг санхүүжүүлэх, техник эдийн засгийн үндэслэл гаргах зэрэг үүрэгтэй дөрвөн яам дунд хэрэгжих энэ төсөл эхний ээлжинд Дэлхийн банкнаас 25 сая ам.долларын зээл, Австралиас долоон сая долларын буцалтгүй тусламж аваад байгаа гэнэ. Энэ хөрөнгөөрөө ямар, ямар төсөл дээр ажиллаж байгааг “Discover Mongolia”-гийн төлөөлөгчдөд сонирхуулав. Түүний танилцуулсан төслүүд дундаас нэг сонирхол татсан мэдээлэл нь Шүрэнгийн усан цахилгаан станцын тухай байлаа. Монгол Улс эрчим хүчээ ОХУ-аас маш өндөр үнээр авч, цахилгааны хэрэглээгээрээ хөрш орноосоо хараат байдалд орчихоод байгаа.  Хэрэв эрчим хүчээр Оросоос хараат бус байя гэвэл өөрсдөө цахилгаанаа гаргадаг болох хэрэгтэй. Монгол Улсын Засгийн газрын хувьд усан цахилгаан станц байгуулах нь хамгийн тохиромжтой арга гэж үзэж байгаа учраас олон арван жилийн өмнөөс яригдсан Шүрэнгийн усан цахилгаан станцыг ажил хэрэг болгохоор яарч байна. Кувейтээс санхүүгийн тусламж дэмжлэг хүсч, нааштай хариу аваад байгаа учраас тун удахгүй төсөлд зориулж байгаль орчин, геотехник, гидрологийн гээд олон төрлийн судалгаа хийнэ. Тэдгээр судалгааг хийх тендерийг ирэх хавраас зарлах тул та бүхэн нээлттэй оролцоорой гэж төслийн зохицуулагч Б.Энхбаатар уул уурхайн салбарынхныг урилаа.
Шүрэнгийн усан цахилгаан станцыг нь 300 МВт-ын хүчин чадалтай байхаар төлөвлөж буй аж. Энэ нь дотоодынхоо хэрэгцээг бүрэн хангана гэсэн үг бөгөөд өвөл хүртэл ажиллагаатай байх учир хэрэв энэ УЦС-ыг байгуулчихвал хөршөөсөө царай алдаж суухгүй болох нь.  Усан цахилгаан станц өвөл ажиллагаагүй болдог гэсэн ойлголт бий. Харин Шүрэнгийн тухайд 750 м-ийн  томоохон хэмжээний усан мандал байгуулах учраас өвөл хүртэл саадгүй ажиллаж, Монгол Улсыг эрчим хүчээр бүрэн хангах юм байна.

0 Сэтгэгдэл
Хамгийн их уншсан