УИХ дахь эмэгтэй гишүүд нийгмийн асуудалд анхаарлаа хандуулна гэдгээ амлаад буй. Тиймдээ ч цэцэрлэгийн хүүхдийн нэг өдрийн хоолны зардлын төсвийг нэмж өгөхийг Сангийн сайд Ч.Улаан, Боловсрол шинжлэх ухааны сайд Л.Гантөмөрөөс хүсчээ. Цэцэрлэгийн хүүхдийн нэг өдрийн хоолны зардалд төсвөөс 1100 төгрөг гаргадаг. 2013 оны төсөвт цэцэрлэгийн хүүхдийн хоолны мөнгийг 2100 төгрөг болгохоор харьяа яамнаас нь өргөн мэдээлсэн байна. Гэвч энэ оныг дуустал одоо мөрдөгдөж байгаагаар буюу хүүхдүүд өдрийн турш 1100 төгрөгийн хоол идэх болоод байгаа юм. Тиймээс төсвийн тодотголд энэ оны цэцэрлэгийн хоолны мөнгийг 2100 төгрөг болгож суулгаж өгөхийг эмэгтэй гишүүд хүссэн аж.