Өнөөдөр өглөө Номхон далайн арлын Вануату улсын эрэг орчмоор газар хүчтэй хөдөллөө гэж АНУ-ын Геологийн алба мэдээллээ. Газар хөдлөлийн төв нь Вануату улсын нийслэл Порт-Вила хотоос баруун хойд зүгт 500 км-ын зайд байжээ. Газар хөдлөлийн хүч 6,6 балл байсан ч азаар эвдрэл сүйрэл болж хүний амь нас эрсдээгүй байна. Вануату улс нь Номхон далайн галт уул, чичирхийллийн идэвхтэй бүс буюу Галын цагирагт байрладаг юм. Энд жилдээ хэд хэдэн удаа газар хөдөлдгөөс гуравны нэг нь долоогоос дээш баллын хүчтэй байдаг аж.