Сүүлийн үед монголын чононууд хил даван Буриадын Хиагтын районы хил дагуу олширч эндхийн малчид, аж ахуй эрхлэгчдйиг чирэгдүүлж эхэлжээ. Орон нутгийн эрх баригчдын мэдээлснээр бол энэ араатнууд 18 үхэр, 13 хонь, 30 адуу идэж орхисон гэнэ. Чонын учруулсан хохирлын хэмжээ сая рубль руу ойртож байгаа ч орон нутгийн анчид хүчрэхээ больжээ. Ийм болохоор Буриадын фермерүүдийн холбооны тэргүүн Баир Балжиров хотын анчдаас тусламж хүссэн байна. Тэрээр ингэж ангийн бригад гаргаж тусалбал агнасан араатных нь тоогоор урамшуулал өгөхөөр амлажээ. Хотын анчид буу зэвсэг, багаж хэрэгсэл сайтай ч туршлага байхгүй. Гэхдээ бүх талаар хамтран ажиллана, хилийн орчимд ан хийх зөвшөөрлийг холбогдох байгууллагуудаас нь авсан гэжээ. Ийнхүү монголоос нүүдэллэн очиж ихээхэн уршиг тарьж байгаа чоно авлахаар Улан-Үдэ зэрэг том хотын анчид Буриадад ирэх гэж байгаа юм байна. “Анчид ойрын үед цугларч, буриад руу гарна, хүссэн хүн оролцож болно. Тэгээд ч энэ идэвхтэй сайхан амралт болно” гэж Буриадын байгаль орчны хяналтын албаны мэргэжилтэн Дамба Цыренов сурвалжлагчид ярьжээ.
