Бирмийн төв хэсэгт 6,8 магнитудын хүчтэй газар хөдөлжээ. Газар хөдлөлийн төв нь Бирмийн хоёр дахь том хот Мандалайгаас 120 километрийн зайд байджээ. Гамшгийн учруулсан гарз хохирлыг хараахан тооцож амжаагүй байгаа ч Засгийн газрын эх сурвалжийн хэлснээр хоёр хүн амь үрэгдэж, гурван хүн бэртэж гэмтжээ. Мөн гүүрэн дээр ажиллаж байсан таван барилгачин сураггүй болсон байна.  
Гамшгийн үеэр газар хоёр ч удаа хүчтэй шилгээсэн бөгөөд хөрш Тайландын нийслэл Бангкокт хүртэл чичирхийлэл нь мэдрэгджээ. Бирмд хамгийн сүүлд 2011 оны гуравдугаар сард хүчтэй газар хөдөлж, 75 хүн амь насаа алдаж байсан юм.