Хятадын Жэзян мужийн Вэньлин замын ажил бараг дуусчээ. Гэвч энэ замын голд таван давхан байшин бий. Хятадын эрх баригчид зам барих ажил хийхээр болсноо тус байрны эзэн Ло Баогэн болон түүний эхнэрт дуулгаж нүүх зардал болон тэтгэмжийг улсаас олгоно хэмээн мэдэгдэл хүргүүлжээ. Гэвч Ло Баогэний гэр бүлийнхэн төрөөс олгох тэтгэмжийг дэндүү бага хэмээн голж нүүхээс татгалзаж. Харин орон нутгийн эрх баригчид тэдний хүсэлтийг үл харгалзан замаа барьж дуусгаад байгаа юм.
Баогэний гэр бүл энэ байшингийн нэг л өрөөнд амьдардаг. Учир нь төрөөс өгсөн тэтгэмжийг бусад хөрш нь хүлээн зөвшөөрөөд аль хэдийнэ нүүжээ. Одоогоор тэдний ус, цахилгаан хэдийн байгаа учир эхнэр нөхөр хоёр тухтайхан амьдарсаар. Гэвч байшинг гаднаас нь харахад тийм ч таатай сэтгэгдэл төрөхгүй байгаа биз.
Хятадын хуулинд эзнийх нь зөвшөөрөлгүйгээр байшинг нь нураах ёсгүй. Энэ нь Хятадын төрд шинэ хороолол , зам барих ажилд ихээхэн саад болж байгаа юм. Ийм байшинг хуучирч зэвэрсэн хадаас гэдэг болоод буй юм. Сугалахад тун бэрх зэвэрсэн хадаас шүү. 
Вэньлин замын дунд буй байрны эзэн орчин тойрноо гэрийнхээ цонхоор ажиглаж зогсоно 
Энэ бол өөрийнхөө байрыг хамгаалж, эсэргүүцэл илэрхийлэгчдийн нэг. Янг Вугийн байшин гэж нэрлэдэг бөгөөд эзэн нь 2004 онд худалдахаас татгалзсан учраас орон нутгийн захиргаа болоод орон сууцны төсөл хэрэгжүүлэгч нэр төслийнхөө ажлыг байшин тойруулан эхэлжээ. Янг өөрийнхөө эрх ашгийг хамгаалан байшингийнхаа орой дээр Хятадын төрийн далбааг хатгасан аж. Гэвч 2007 онд Янг бууж өгсөн нь тодорхой болжээ. 
3000 ам. метр талбай бүхий Хадаасан байшин. Хэфэй мужид хэрэгжих томоохон орон сууцны төслийнхөн байшингийн эзэнтэй тохиролцож чадаагүйн улмаас Хадаасан байшингийнхан хуучин байшиндаа амьдарсаар.
2008 оны нэгдүгээр сарын 8. Гуанжоу муж. Хэтэрхий бага нөхөн төлбөр амласан барилгын компанийхан хадаасан байшингийн эзэдтэй тохиролцох гэж багагүй хугацаа алджээ. Гэвч эцэст нь барилгын компани ялж энэ байшингийн оронд олон давхар орон сууц барих болов. 
Ахиад л хадаасан байшин. Чунцин мужид барих орон сууцны хороолол төсөл энэ байшингийн эздийн “ ачаар” хойшилсоор. Байшингаа нураах эрх төслийнхөнд олгохоосоо өмнө нөхөн төлбөрийн мөнгөө авахаар байрны эзэд гүрийсээр.
