Арванхоёрдугаар сарын 4-нд Монгол Улсын Ерөнхий сайд Н.Алтанхуяг Шанхайн хамтын ажиллагааны байгууллагын 11-р уулзалтад оролцохоор Киргиз улсыг зорьссон юм. Түүнийг ниссэний дараахан МАХН хамтарсан Засгийн газраас гарахаа мэдэгдсэн байна.

МАХН-ын ийм алхам хийж байгаа гол шалтгаан нь авлигын хэргийн улмаас наймдугаар сарын 2-нд шүүхээс дөрвөн жилийн ял авсан, намын дарга Намбарын Энхбаяртай холбоотой юм. Одоо түүний хэргийг арванхоёрдугаар сарын 7-нд улсын дээд шүүх хэлэлцэх гэж байгаа юм. “Энхбаяртай холбоотой гээд байгаа энэ хэрэг нь жинхэн улс төрийн хэлмэгдүүлли йн шинжтэй байна. Түүнийг суллах ёстой” гэж МАХН-ын гишүүд хэлж байна. Ингэхгүй бол бид засгийн газрын бүрэлдхүүнээс гарахаас өөр гарц байхгүй гэж МАХН-ын ерөнхий нарийн бичгийн дарга Г.Бямбасүрэн хэлж байна. Харин Дээд шүүх Н.Энхбаярыг суллах шийдвэр гаргавал манай нам энэ шийдвэрээ эргэн харна гэж Бямбасүрэн бас тэмдэглэлээ.

Үүнтэй холбоотойгоор МАХН-ыг багтдаг “Шударга ёс” эвсэл, МАНын гишүүд хуралдаанд ирээгүйн улмаас УИХ-ын нь 11 дүгэр сарын 30-ны нэгдсэн хуралдаан хуралдаж чадаагүй юм.
Засгийн газрын тэргүүн Н.Алтанхуяг Киргизээс 6-ны өдөр буцаж ирнэ. Одоохондоо улс орондоо болж байгаа улс төрийн энэ нөхцөл байдлаас болж албан ёсны айлчлалаа тасалдуулж буцах эсэх нь тодорхойгүй байна гэж http://www.infpol.ru сайтад бичжээ.