Орифлеймийн хатагтай Г.Оюунгэрэл нэг л өдөр орифлэймоосоо залхаж зөн билэгтэн болсон. Зөгнөх, зөгнөхдөө бүр эх дэлхийг энэ сарын 21-нд сөнөнө хэмээн зөгнөсөн билээ. Зөгнөсөн ч гэж дээ, урьд шөнө зүүдэлсэн зүүдээ ярьсан уу, эсвэл нөгөө эртний Маяачуудын тухай ном уншсан хэрэг үү. Нэг л өдөр дэлхий сөнөнө гэсэн юм ярьж Улаанбаатар палас, Соёлын төв өргөөнд энэ тухай лекц уншиж багагүй мөнгө олсон. Гэтэл мань хүний хэлснээр дэлхий сөнөхөд хоёрхон хоног үлдээд байхад зөнч хатагтай харин шинэ жилийн тухай яриад явж байна. Бүр ямар даашинзаар гоёхоо товлоод дэлгүүр хоршоогоор явж байгаа аж.
Орифлеймчдийн шинэ жил энэ сарын 28-нд болох гэнэ. Тэгэхээр Г.Оюунгэрэл хатагтай дэлхий сөнөсний дараа шинэ жил тэмдэглэх гээд байгаа юм болов уу. Аль эсвэл дэлхий сөнөхгүй юм болов уу. Ямартай ч шинэ жил болно гэнэ шүү.
