УИХ-ын гишүүн Ж.Батзандан өнөөдөр Монгол Улсын нэрт зүтгэлтэн Ж.Батмөнх агсны гэргий А.Даариймааг Төрийн ордноо хүлээн авч уулзан хүндэтгэл үзүүллээ.

Ж.Батзандан гишүүн хэлэхдээ “Монголд ардчиллыг хөгжүүлэх, улс орныг зах зээлийн харилцаа, олон намын тогтолцоонд шилжих явцад үнэтэй хувь нэмэр оруулсан төрийн тэргүүний амжилтанд яах аргагүй түүний ар гэрийг түшилцэж явсан таны хүч хөдөлмөр их бий.

 Таны ханийн хурц шийдэмгий мэргэн ухаан авъяас чадварыг үеийн үед дурсаж, бахархах учиртай хэмээгээд А.Даариймаа гуайд гарын бэлэг гардуулж эмчилгээний зардалд нь хандив болгож өөрийнхөө нэг сарын цалингаа гардуулав.