Зураглаач, гэрэл зурагчин, Соёлын тэргүүний ажилтан Д.Ангараг “Paramount pictures”-ийн урилгаар “Марко Пологийн дурлал” уран сайхны кинонд ерөнхий зураглаачаар ажиллахаар болжээ.

Тэрээр Америкийн кино зураглаачдын холбооны гишүүн бөгөөд энэ шугамаар шалгаруулалтад оролцож, дэлхийн чадварлаг зураглаачидтай өрсөлдөн тэнцжээ. 2018 онд нээлтээ хийх уг уран бүтээлд Холливудын нэрт жүжигчин Аль Пачино, Чой Юнь Фат, Дуэйн Жонсон нар дүр бүтээхээс гадна залуу од Мила Кунис оролцон тоглоно. Кино зураг авалт Хятад болон АНУ-д хийгдэх гэнэ. Дэлхийн хэмжээний одуудтай хамтран ажиллах болсон Д.Ангараг энэ сарын 28-нд Холливуудыг зорино.