Сонгинохайрхан дүүргийн 5 дугаар хорооны нутаг дэвсгэрт, Улсын Хүүхэд, залуучуудын театраас 21-ийн уулзвар чиглэлийн авто замын баруун урсгалд асфальт бетон хучилтын ажил хийхтэй холбогдуулан тухайн хэсгийн хөдөлгөөнийг түр хязгаарлана.

Тодруулбал, 6 дугаар сарын 2-ны 18:00 цагаас эхлэн Улсын Хүүхэд, залуучуудын театраас Өндөр настан автобусны буудал хүртэлх замын нэг урсгалыг түр хаах юм.

Иймд иргэд, жолооч та бүхэн замын хөдөлгөөнд оролцохдоо түр хугацаанд өөр чиглэл сонгон зорчихыг хүсье.

• Зам хаах: 2026 оны 06-р сарын 02-ны өдөр 18:00 цагаас
• Зам нээх: 2026 оны 06-р сарын 03-ны өдөр 23:00 цаг