АНУ-ын Миссури мужид амьдардаг Дэвид Ли Мангум гэгч эрэгтэй 300 гаруй хүнд ДОХ/ХДХВ-ийн халдвар тараасан хэргээр баригдаад байна.  Тэрээр 2003 оноос хойш ХДХВ-ийн халдвар тээж байгаа нэгэн боловч энэ тухайгаа сексийн хамтрагчиддаа огтхон ч хэлдэггүй байсан бөгөөд түүнтэй дотно харилцаанд орсон хүмүүс эхнээсээ энэ тухай мэдэж, шинжлүүлэхэд ХДХВ-ээр халдварласан нь тодорхой болжээ.  Түүний эсрэг өмнө нь түүнтэй хамтран амьдарч байсан нэгэн эрэгтэй гомдол гаргасны дагуу шалгаж буй бөгөөд бусад хохирогчдын тухайд зарим нь халдвар авснаа ч мэдэхгүй яваа байх хэмээн албаныхан санаа зовж байна. Учир нь, Дэвид өөрийнхөө төрөлх хот болон өөр хот, газарт олон арван хүнтэй дотно харилцаанд орохдоо заримынх нь овог нэрийг ч бүтнээр нь мэдэж танилцаагүй учир хохирогчдыг бүгдийг нь олж, сэрэмжлүүлэхэд нэлээд цаг хугацаа орох бололтой. Мангум ДОХ тараасан хохирогчдоо бүгдийг нь цагаан арьстай, эрчүүд байсан хэмээн хэлж байгаа гэнэ. ХДХВ-гийн тээгч гэдгээ мэдсээр байж бусдад халдварлуулсан тохиолдолд Миссури мужид 15 жил хүртэл ялаар шийтгэдэг байна. Гэхдээ энэ тохиолдолд насаар нь хорих ял ч оноож магадгүй гэж үзэж байна.